Fire dekanar tilsette ved Nord universitet

Tilsetjingsvedtaket til styret gjeld for åremålsperioden 01.01.2025 - 31.12.2028. Styreleiar ved Nord universitet, Øyvind Fylling-Jensen, er fornøgd med at styret no har tilsett dekanar som skal halda fram arbeidet med å vidareutvikla utdanningane og forskinga ved Nord universitet.

— Vi er inne i ei tid med omstilling. Dekanane som er tilsette har tydelege ambisjonar og tankar om korleis vi skal utvikla undervisnings- og forskingskvaliteten i fakulteta og universitetet i tida framover, seier Fylling-Jensen.

Elisabet Ljunggren tilsett ved Fakultet for samfunnsvitskap

Ved Fakultet for samfunnsvitskap  har styret vedteke å tilsetja Elisabet Ljunggren i åremålsstilling som dekan for perioden 01.01.2025 – 31.12.2028. Ljunggren har doktorgrad, og har i dag permisjon frå den faste stillinga si som professor i organisasjon og leiing ved Nord universitet for å fungera som dekan ved Fakultet for samfunnsvitskap ved Nord universitet.

Ljunggren har i perioden 2017-2020 vore prodekan for forsking og utvikling, og i perioden

2015-2016 var ho forskingsleiar ved Nordlandsforskning.

Ljunggren ser fram til å halda fram og utvikla fakultetet og Nord universitet:

—  Vi skal halda fram med å utvikla eit sterkt fakultetet, med forsking og forskingsbasert undervisning, seier Ljunggren. Det blir også viktig å tiltrekkja seg fleire studentar i tida framover.

—  Samfunnet og regionen vår har stort behov for kompetanse og folk med høgare utdanning. Det er viktig for å skapa eit berekraftig samfunn, seier Ljunggren.

Dekanane som er tilsette har tydelege ambisjonar og tankar om korleis vi skal utvikla undervisnings- og forskingskvaliteten i fakulteta og universitetet i tida fremover.

Styreleder Øyvind Fylling-Jensen

Gry Agnete Alsos tilsett ved Handelshøgskulen

Alsos har doktorgrad i bedriftsøkonomi, og har for tida permisjon frå den faste stillinga si som

professor i innovasjon og entreprenørskap ved Nord universitet for å fungera som dekan ved Handelshøgskulen.

Alsos har hatt stilling som prodekan ved Handelshøgskolen i perioden 2013-2016. Før overgangen hennar til Handelshøgskulen var ho tilsett ved Nordlandsforskning og var administrerande direktør der i perioden 2007-2011.

—  Handelshøgskulen er oppe i store og viktige prosessar som vil få noko å seia framover. Vi er mellom anna i gang med internasjonal akkreditering av Handelshøgskulen, noko som vil styrka oss, seier Alsos. Gjennom kontinuerleg utvikling både på utdanningssida og forskingssida, leverer Handelshøgskulen studentar og kompetanse som næringslivet og også offentleg sektor trøng.

—  Vi skal levera god kvalitet som samfunnet trøng. Og verda rundt oss trøng kunnskap og forsking om regionen vår, seier Alsos.

Gøril Ursin tilsett ved Fakultet for sjukepleie og helsevitskap

Ursin har Ph.d. i sosiologi, og har i dag permisjon frå fast stilling som førsteamanuensis i

helsevitskap for å fungera som dekan ved Fakultet for sjukepleie og helsevitskap ved Nord universitet. Ursinhar utdanning som sjukepleiar, og har vore studieleiar for masterutdanninga ved Fakultet for sjukepleie og helsevitskap ved Nord universitet. Ursin har lederfaring frå noverande og tidlegare stillingar.

—  Eg takkar for tilliten og ser fram til fire nye år med mange dyktige kollegaer både i administrasjonen og blant vitskaplege tilsette. Vi skal ha fokus på å byggja ein studieportefølje med framtidsretta utdanningar, skapa sterke forskingsmiljø og så skal vi vidareutvikla nyttige samarbeidsarenaer mellom oss, helsetenestene og samarbeidspartar, seier Ursin.  Ursin har også ambisjon om at fakultetet skal vera kjent for eit godt arbeidsmiljø med stor takhøgd, også i tider med mykje uvisse og omstilling.

Mette Sørensen tilsett ved Fakultet for biovitskap og akvakultur

Sørensen har doktorgrad, og har for tida permisjon frå den faste stillinga si som professor i akvakultur ved Fakultet for biovitskap og akvakultur, for å fungera som dekan. Sørensen har i løpet av si tid ved Nord universitet fungert som faggruppeleiar for akvakultur. Ho har også hatt stilling som prodekan for forsking ved Fakultet for biovitskap og akvakultur.

—  Saman med dyktige tilsette skal eg jobba for at Fakultet for biovitskap og akvakultur held fram den positive utviklinga, med studiar av høg kvalitet og auka forsking, seier Sørensen.

Fakultetet utdannar kandidatar som er viktig for næringslivet i landet.

— Vi har høg kompetanse innanfor havbruk, dyrevelferd, biologi, miljø og utdannar både dyrepleiarar og tek opp studentar som startar ei veterinærutdanning på Nord og fullfører grada i Slovakia. Kandidatane utdanna ved fakultetet har høg kompetanse som er etterspurd, seier Sørensen.

Samtidig blir det viktig å tilpassa drift og aktivitetar til dei økonomiske realitetane universitetssektoren står overfor. Då blir det spesielt viktig å ha fokus på utviklingsoppgåver som gir positiv energi og arbeidsglede. God forsking og utvikling av spanande studieprogram blir best ivareteke av motiverte tilsette.