Forskarkurset «Living in the Landscape» (LiLa) har inspirert ulike faglærarar til å utforske ulike arbeidsmetodar som er aktuelle for undervisning i skulen. Arbeidet synleggjerast gjennom utstillinga «Landskapsberøringer», som opnar måndag 23. september 2024 ved campus på Nesna.
Det er faglærarar i norsk, pedagogikk, naturfag, musikk og andre fag på Nesna som har fordjupa seg i estetiske læringsprosessar og skaparglede. - For oss som faglærarar er den estetiske dimensjonen viktig i arbeidet med våre fag, og vi utvidar vårt repertoar av metodar og tankesett. Kunstuttrykket er forankra i lokal historie, kultur og omgjevnader, og ikkje minst i FN sine berekraftsmål, fortel Anne Lise Wie ved Nord universitet i Nesna, og legg til:
- Vi har lært meir om verdien av estetiske arbeidsformer i eigne fag, og ser samstundes kva eigenverdi dei estetiske faga har som fag. Vi treng faglærarar som har den grunnleggjande fagkompetansen i estetiske fag, som kan undervise og rettleie.
Kunstnarar i utstillinga:
- Mette Gårdvik
- Berit Oksfjellelv
- Anne Lise Wie
- Agnieszka Barbara Jarvoll
- Renate Karin Nordnes
- Karin Stoll
- Wenche Sørmo
- Anne Mette Bjørnvik Rosø
- Claude Goffeney
- Emmelin Øwre Lyngås
- Frida Langseth
