Samfunnssikkerheit

Samfunnssikkerheit er eitt av Nord universitet sine fire satsingsområde.

Samfunnssikkerheit inneber kor førebudd eit samfunn er til å handtere uønskte hendingar.

Samfunnssikkerheit er viktig for å sikre eit stabilt og robust samfunn og bidreg til å skape tryggleik og føreseielegheit. Eit trygt samfunn er grunnlaget for kreativitet og kjerneverdiar som tillit, likskap, demokrati og openheit.

Nord universitet har eit samfunnsansvar i å skape forskingsbasert kunnskap gjennom vår nøkkelkompetanse på mellom anna krisehandtering og beredskap. Nord universitet skal bidra til å skape trygge og demokratiske samfunn som fremmer robust samfunns- og næringsutvikling gjennom å vidareutvikle kunnskap om risiko og sårbarheit.

Nord universitet skal styrke forsking og utdanning innanfor risikoforståing, beredskap og internasjonal utvikling. Med utgangspunkt i vår lokalisering skal vi vidareutvikle kunnskapssamarbeid som styrker beredskapen.