Internasjonalt utval (IU) har ein viktig funksjon ved universitetet med å stimulere til aktivitetar knytt til internasjonalt arbeid ved fakulteta/avdelingane og blant studentane. 

På kvart møte informerer representantane om gjennomførte, pågåande og framtidige aktivitetar som til saman handlar om sentrale delar av universitetet sitt internasjonale engasjement. 

1. Internasjonalt utval er eit rådgivande organ for universitetet si leiing i saker som angår internasjonalisering.
   
   
2. Internasjonalt utval skal bidra til å stimulere til aktivitetar knytt til internasjonalt arbeid ved fakulteta/avdelingar, og blant studentane.
   
   
3. Internasjonalt utval skal utvikle handlingsplanar og rapportere til leiinga om gjennomførte, pågåande og framtidige aktivitetar som til saman handlar om sentrale delar av universitetet sitt internasjonale engasjement. 
   
   
4. Internasjonalt utval skal fungere både som pådrivar for internasjonaliseringa av institusjonen, og som informasjonskanal og møtestad for ulike avdelingar, fakultet og studentar.
   
   
5. Internasjonalt utval er vedtaksført når meir enn halvparten av medlemmene er til stades og gir si stemme. Dette inneber også varamedlemmer dersom faste tilsette ikkje har høve til å møte.

Internasjonalt utval handterer dei sakene som gjeld internasjonale studium/studentutvekslingar, utvikling av samarbeidsavtaleporteføljen, og fagleg/administrativ kompetansebygging og mobilitet.