Universiteeten leah 11.000 studeenth jïh 1.300 barkijh, joekedamme lohkemesijjide Bådåddjo, Levangke, Stïentje, Skierde, Måefie, Nåavmesjenjaelmies, Neasna jïh Vesterålen.
Mijjieh lohkemefaalenassh deallahtibie mah båetien aajkan sjiehtieh, jïh sjyöhtehke dotkemem mij fokusem beaja plaave jïh kruana sjïdtemasse, innovasjovnese jïh entreprenööreskapese, jïh tryjjesvoetese, healsose jïh byjjenæmman.
Mijjen leah nasjonaale dotkemebyjresh mah leah njueniehkisnie vuesiehtimmien gaavhtan mearoeburrien jïh biovitenskapen sisnjeli, jïh innovasjovnen jïh entreprenööreskapen sisnjeli.
Noerhte universiteete daajroeinstitusjovnigujmie gelline laantine laavenjostoe. Mijjen leah gellie gaskenasjonaale studeenth jïh låtnoehtimmiem gelline lohkemesuerkine faalehtibie.
Noerhte universiteete doh aerpievuekien julevsaemien, bidumsaemien, upmejesaemien jïh åarjelsaemien dajvh Saepmesne feerhmie. Universiteeten lea nasjonaale dïedte dotkemen jïh ööhpehtimmien åvteste julev- jïh åarjelsaemien gïelen jïh kultuvren sisnjelen.