Universitehtan li 11.000 studenta ja 1.300 bargge, dájn bájkijn: Bådåddjo, Levanger, Steinkjer, Stjørdal, Mo i Rana, Namsos, Nesna ja Viestarálas.
Fállap oahpojt boahtteájggáj ja dutkamav mij la relevánta. Vuorodip alek ja ruodná sjattov, innovasjåvnåv ja álgadimev ja álkkádusáv, varresvuodav ja bajássjaddamav.
Miján li lánda åvdemus dutkambirrasa dáj suorgijn: guollebiebmadibme ja biodieda, innovasjåvnnå ja álgadibme.
Nuortta universitiehtta barggá moatte máhtudakásadusáj siegen måttijn lándajn. Miján li moadda ålggorijkak studenta ja lånudallamav fállap moatten oahpposuorgen.
Nuortta universitiehtta geografijjalattjat gåbttjå ieme julev-, bihtám-, ubbmem- ja oarjjelsáme guovlojt Sámeednamin. Universitehtan la nasjåvnålasj åvdåsvásstádus julev- ja oarjjelsáme gielaj ja kultuvra dutkama ja oahpoj åvdås.