Få litteratur sendt heim
Studentar på nett- og samlingsbaserte studium som ikkje bur i nærleiken av eit av biblioteka til Nord universitet, kan bestille og få litteratur sendt heim. Studentane må sjølv sørge for retur, og kostnadar knytta til returporto.
Slik gjer du for å få litteratur sendt heim:
- Bestill materiale i søkeportalen Oria
- I feltet for hentestad, vel: Levering til adresse – heimeadresse
- Pass på at adressa di er korrekt i StudentWeb
- Dersom du vil motta sendinga på ein annan adresse enn heimeadresse, må du opplyse om dette i kommentarfeltet.
NB: UB Nord sender ikkje bøker heim til adresser utanfor Noreg. Dersom du har behov for enkeltkapittel frå pensumbøker, kan desse sendast som kopi. Gi beskjed om dette i kommentarfeltet for bestillinga. Antall sider som kan sendast blir bestemt i henhald til Kopinor-avtalen.
Hente litteratur når du er på samling
Studentar på samlingsbaserte studium kan bestille bøker som står på hylla (ev. i biblioteket) og avtale henting når dei skal på samling på studiestaden. Hentefrist er 5 arbeidsdagar. NB: Denne ordninga gjeld berre for dei med lang reiseveg til universitetet. Bestill minst 2 dagar før samlinga slik at biblioteket rekk å effektuere bestillinga.
- Bestill i søkeportalen Oria
- I feltet for hentestad, vel biblioteket på studiestaden der du skal på samling
- Skriv i kommentarfeltet at du vil hente bøkene når du er på samling.