Anatomi, fysiologi og generell patologi
Emnet handlar om strukturen (anatomi) og funksjonen (fysiologi) til pattedyrkroppen. Hund og katt er modellar, men andre artar vil bli trekte inn der det er relevant. Anatomi-delen omfattar både makroanatomi (strukturar som kan sjåast med det blotte auget) og mikroanatomi (den mikroskopiske strukturen til organ og vev). Fysiologi-delen tek for seg funksjonen til dei ulike organsystema. Sentrale emne vil vere respirasjon, sirkulasjon, immunforsvaret, fordøying, ekskresjon, nerve- og muskelfysiologi, reproduksjonsfysiologi og endokrinologi.
Emnet gjev også studentane ei generell innføring i sjukdomsprosessar og søker å gje studenten ei forståing for fysiologi versus patologi. Sentrale tema her er inflammasjon, immunologi, hemostase, sirkulasjon, celle- og vevsskadar og reparasjon.
Undervisninga er vinkla mot kliniske problemstillingar i dyrepleie og veterinærmedisin.
Etter fullført emne er det forventa at studenten skal ha følgjande kunnskap, ferdigheiter og generell kompetanse:
Kunnskap:
- Makroskopisk og topografisk anatomi hos hund/katt som modellar og korleis andre pattedyr og fuglar skil seg frå modellar.
- Dei ulike vevstypane i pattedyrorganismen, og vev og organ si mikroskopiske struktur.
- Mekanismane for korleis pattedyrkroppen fungerer, både på organnivå og som organisme.
- Forståing for fysiologi kontra patologi.
- Forståing for generelle patologiske prosessar.
- Veterinær fagterminologi innan anatomi, fysiologi og patologi.
Ferdigheiter:
- Kunne gjere greie for organsystema i pattedyrorganismen og deira struktur (anatomi) og funksjon (fysiologi) ved bruk av fagterminologi.
- Kunne gjere greie for generelle patologiske prosessar.
- Kunne kjenne att og namngje anatomiske strukturar på ein plansje, fotografi eller røntgenbilete.
Generell kompetanse:
- Ha forståing for pattedyrkroppen sin normale struktur og funksjon, samt korleis patologi kan påverke dette.
- Vere i stand til å lese og forstå ein fagtekst innan medisinsk anatomi/fysiologi og generell patologi.
- Ha erfaring med disseksjon av indre organ hos eit pattedyr.
- Vere kjend med grunnleggjande hygieniske forsiktigheitsreglar ved kontakt med biologisk materiale.
Førelesingar
Laboratorieøvingar (disseksjon): Obligatorisk deltaking (OD) på laboratorieøvingar
Arbeidskrav: skriftlege prøver og innleveringar
Undervisningsaktivitetane i emnet føreset at studenten er på studiestaden.
Samansett vurdering, karakterregel: Bokstavkarakterar
Obligatorisk deltaking - labøvingar, tel 0/100 av karakteren, karakterregel Godkjent / Ikkje godkjent.
Arbeidskrav - skriftlege prøver og innleveringar, tel 0/100 av karakteren, karakterregel Godkjent / Ikkje godkjent.
Skriftleg skuleeksamen, deleksamen (haust), 3 timar, tel 40/100 av karakteren, karakterregel: Bokstavkarakterar A-F. Må vere bestått før studenten kan ta skriftleg skuleeksamen, avsluttande (vår).
Skriftleg skuleeksamen, avsluttande (vår), 5 timar, tel 60/100 av karakteren, karakterregel: Bokstavkarakterar A-F.
Penn og linjal.
Å generere svar ved hjelp av ChatGPT eller liknande kunstig intelligens og levere det heilt eller delvis som eige svar blir rekna som fusk.
