Viss du har fått studieplass i årets opptak, men likevel ikkje kan starte i år, kan du søke om få reservert studieplassen. Studieplassen kan bli reservert i inntil 2 år.
Du må sende søknaden om å reservere studieplass til postmottak@nord.no innan 3 veker etter at du fekk tilbod om studieplass. Du må dokumentere kvifor du ikkje kan starte.
Av omsyn til personvern skal du sende sensitiv informasjon eller dokumentasjon til søknaden gjennom eDialog eller per post til:
Nord universitet, Bodø
Opptakskontoret
Postboks 1490
8049 Bodø
Dersom saksbehandlar treng meir informasjon til søknaden din, vil vi spørje om det per e-post. Du får også svar på søknaden per e-post.
Hugs å takke ja til studieplassen
Du må takke ja til studieplassen du har fått tilbod om innan svarfristen, sjølv om du planlegg å søke om reservasjon av studieplassen. Reservasjonen gjeld berre studieplassen du har takka ja til. Dersom du på eit seinare tidspunkt får tilbod om studieplass ved eit anna studium, må du gi beskjed om endringa og avklare med opptakskontoret vårt om du treng å sende ny søknad om å reservere den nye studieplassen.
Har du allereie fått reservert studieplass?
Har du reservert studieplass frå i fjor, er du garantert å få denne studieplassen dersom:
- studiet fremleis eksisterer i same format som tidlegare
- du søker på studiet på nytt innan søknadsfristen
- du lastar opp brevet du fekk med lovnad om reservert studieplass
- du takkar ja til studieplassen innan fristen
- studiet blir sett i gang
Du må søke om studieplass på nytt, men du treng ikkje dokumentere at du dekker opptakskravet på nytt. Det er tilstrekkeleg at du lastar opp kopi av brevet du har fått om reservert studieplass til søknaden om studieplass.
Du kan søke på andre studium sjølv om du har fått reservert ein studieplass. Viss du ønsker å søke på andre studium må du prioritere desse framfor studiet du har reservert. For dei nye studieønska må du laste opp den dokumentasjonen som er nødvendig. Viss du får tilbod på eit nytt studieønske du har rangert høgare i søknaden din, mister du den reserverte studieplassen.