Nordområdesenteret
Nordområdesenteret ble etablert i 2007 og skal være eit forskings- og kompetansesenter for bedrifter, organisasjonar og offentlege institusjonar om nordområdespørsmål. Mange av dei fagleg tilsette ved handelshøgskulens faggrupper er tilknytt Nordområdesenteret.
Senteret har i tillegg seks administrative årsverk med oppgåver knytt til informasjon, samfunnskontakt og leiing av dei ulike prosjekta. I tillegg har senteret ansvar for nettavisa High North News og den årlege konferansen High North Dialogue. Senteret har, i tillegg til den statlege løyvinga, store eksterne prosjektinntekter.
Les meir på senterets nettside
Senter for nordområdelogistikk/Centre for High North Logistics
Senteret er ei vidareføring av ei stifting oppretta i 2009 med føremål å bidra til forskings- og utviklingsarbeid for logistikkløysingar i nordområda.
Forskninga fokuserer på trygg operasjon langs den nordlege sjøruta, økonomi og operasjonsmodellar for islagte farvatn og tryggleik og risiko ved operasjon langs den nordlege sjøruta. Senteret har tilsette i Bodø, Kirkenes og Murmansk.
Les meir på senterets nettside
Senter for industriell forretningsutvikling
Senter for industriell forretningsutvikling (SIF) fokuserer på problemstillingar innan industri, forretningsutvikling og innovasjon. Forskningssenteret er ein del av Handelshøgskulen ved Nord universitet, og har si kjerneverksemd ved Campus Helgeland, Mo i Rana.
Senterets visjon er å vere leiande i Noreg på forsking og undervisning i skjæringspunktet mellom industri, forretningsutvikling og innovasjon. Senteret samarbeider derfor tett med innovative teknologibedrifter i Noreg og norske og internasjonale forskingsmiljø. Senteret bidrar også med undervisning på bachelorutdanninga i økonomi og leiing og på MBA i teknologileiing.
Les meir på senterets nettside
NORDLAB - Senter for beredskap og samvirke
Senter for beredskap og samvirke – Nordlab er eit senter for forsking, utdanning og utvikling av kompetanse innan beredskap og samvirke i nordområda. Senteret bidreg til å realisere universitetet sine målsetjingar innan samfunnstryggleik og beredskap. Senteret har kompetanse på pedagogisk tilrettelegging, planlegging, gjennomføring og evaluering av øvingar. Øvings- og simulatorlaboratoriet Nordlab er utstyrt med toppmoderne fasilitetar i Bodø og teknologi som støttar komplekse samvirkeøvingar, forsking og undervisning.
Senteret si praksisnære forsking og skreddarsydde etter- og vidareutdanning i samspel med behova til samfunns- og næringsliv nasjonalt og internasjonalt er primært retta mot beredskap og samvirke i kompleksitet, læring i beredskapsøvingar og kriseleiing.
Les meir på senterets nettside
Engage
Engage – Centre for Engaged Education through Entrepreneurship er eit tverrfagleg utviklings- og forskingsmiljø for entreprenørskap som metode i universitetsfag. Engage er eit samarbeid mellom Nord universitet, NTNU eksperter i team, TrollLABS og Spark NTNU.
I november 2016 ga Kunnskapsdepartementet og NOKUT to senter for framifrå utdanning (SFU) til Nord universitet, der eitt av dei er Engage.
Senteret tar utgangspunkt i ei verd i stadig endring der innbyggjarane må vere i stand til å identifisere utfordringar, finne innovative løysingar og vere endringsagentar.